النخبه المصريه.

@ النخبه المصريه.       ( قصيده ) 

 قاعد فى مكتب مكيف         ويقولى قوم أشتغل.
 خلينا نبنى البلـــــــــد         ونحرك العجـــــــــل.
 وأنا لا عندى وظيفه          ولا أخدت منهم عمل.
 أنا أخرج مع العصافير       فى كل يوم من غير ملل.
 ربى عفانى من الجشع       وزاح من طريقى العلل.
 أصلى فرض الله اللى        عصمنى من الذلــــــــل.
 زرعت القمح وأنت سرقته   أو حرقته كل شىء محتمل.
 وحتى صوتى عطيتهولك     وأنت واعدنى بالفشـــــــل.
 أنتم أكلتوا العســــــــل        واحنا بتوع البصـــــــــل.
 احنا اللى حركناها           وانتوا جبتوا لها الشـــلل.
 لو كل يوم ثوره تقوم        راح تعمل ايه فى جسد كله علل.
 أزمه بتيجى وأزمه مش عايزه تعدى
                           وأزمة الانابيب واخده فى طريقها الكل.
 وبالازمات تنتهى الثورات
                          ثورة الياسمين وبعد منها الفــــــــــل.
 ورد الجناين فتح           وأكله نبات الظـــــــــــــــــــــــــل.