مجلة واحة الشعراء

  الباشكاتب آخر قصيدة كتبتها كانت شبه قلبي الجميل  وحروفها كانت مؤمنة بالحب وبتجري ورا قطط العيال وبتلعب الأولي وبتنط الحبال وتدوس علي معني الوجع وتغيظه وتركب له ديل مانا باكتب الشعر اللي يسوي عشان يشيل شعر العيال الأشقيا ولاد الشجر والبحر وولاد النخيل شعر الغلابة الشقيانين وباقول كلام الناس بلهجة غلبهم باوصف حلاوة طبعهم وبنشتكي للشعر انا وهما وباشرح همهم    مندوب جميع الفلاحين ومعايا توكيل من شوية ميتين عاوزين كفن من قطن مصري  لما يتحول تراب يرجع بروح المؤمنين وجماعة منهم حلفوني بربنا اكتب عريضة... القمح مش قد العجين والأسطوات الميكانيكية السمكرية  السباكين عاوزين مكان فوق الرصيف أو تحت شجرة واسطوانة اكسجين و الجائلين عاوزين كرامة أي نوع عاوزين رئيس الحي يفهم ف الدموع... يعرف يجوع..  علشان يحس الجوعانين عاوزينه يتعلم آهات  يفهم لغات الحزن ومعاني السكات ويجيب نهار يكفي جميع البياعين البياعين....  زي اللي باعت نفسها بفعل المفيش علشان تحاجي ع القطط وتلم من جتّتها عيش فيه اللي نسيت جسمها مبقاش تبعها عشان بشر مابتختشيش و الشحاتين . والآه هنا.. لا...

  صفحتي هذا المكان المنعزل في جمهورية باعشقك في السر. من قارة أمل  تعلن سفارة حضرتي عن فتح باب التقديمات للهجرة لدواعي السهر وهنا الإقامة دائمة وبتبقي من أهل العشم في خلال ساعات بنوفر الشمس ودفا ونوفر الحب وكفي بالحب قوت  فيه الشفا من كل انواع الأهات في البرد جاهزين بالغطا والحضن حاجة صغنططة بنهديها لاصحاب الحاجات مطلوب فقط صورة بطاقة ضحكتك وصحيفة الحالة القمر وجواز سفر وان جبت روحك تضمنك بالمرة هات كعب العمل واهو كله خير  مطلوب دكاترة للقلوب وكمان مشايخ  للي مش عاوز يتوب عاوزين حياري ومشتاقين لكن كفاءة ف البكا ويجيب شهادة حسن سير وشهادة اتنين مجروحين  وعيال قتلها الحب مثلا مرتين عاوزين صنايعية شجون... شطبنا مش عاوزين عيون واكتملت الفرحة العدد عاوزين مدد من ناس تطمن قلبنا تاخد بإيدنا لشوق قديم و لناس بتعشق عبحليم  عاوزين بشر مش زينا عاوزين حزاني مؤهلات وأغاني لابسه إسدالات وهنا الحوافز مغرية عاوزين هدوووء علشان بنكتب شعر  بدل اللي انسرق بنغير  الكلمات  بنغسلها ف ورق بنلم كل اللي انحرق ونعيد مشاعره من جديد بنحب بطريقة فريد وبنبني م الأحلا...

  مش بالذال نويت امبارح الفكرة وقلت النَص بعد يومين انا دلوقتي مش فاضي وإحساسي مهوش عادي ومش لاقي مكان هادي بداخل روحي أركن فيه  واشوف انا فين يادوبك لسه باتلفت علي المواضيع و باتحسس مكاني لاضيع لقيت فيه نور فصرخت حاجة  َقالت خير فقلت قصيدة ؟ قالت شعر..... شعر  كتير  فقلت اهلا  ياميت مرحب هنكتب إيه؟ فقال اختار... فقلت حبيبتي  قال حاضر  فقلت بلدنا..... قال عيني فقلت الناس  فقال تايهين ونسيوا حاجات وحطوا حاجات علي احتمالات ومش فاهمين. فطلعت مسخ دوست علي الوجع دوسه بطول الصبر ظهرت نسخ .... خدت الصورة طبق الأصل  طَلَبِتْ وصل برسوم الأمل والنور وقفت طابور ولما جه عليا الدور قال الحظ فات الوقت صرخت انا كنت ماصدقت علي وش الحياة من فوق وكان باقي يادوب توقيع وشرف الصبر مش ترقيع  وليلة العمر كانت بكر  وفي حضرة جناب الصمت وقف الفكر مربوطة إيديه وعينيه قال اسمك ايه.؟ نسيت الإسم وحروفه نسيت الحلم وظروفه وراح العمر من خوفه  يموت في هدوء فادوست علي الوطن دوسه بطول الظلم ظهرت لصق  قال الشعر هنعيده ؟ هنرجع تاني لنشيده وتمجيده لنفس الز...

  إبن ال........ نقط  ياشعر يابن ال نقط..... ملعون ابوك واطي إياكش يااهبل فاكرنا لحد بنطاطي بكرة هتيجي غصب عن عينك بيني وبينك شعور  مغرور انا  ؟  مغرور  أصل انت يابن ال..... نقط  مرهون بإحباطي .. بنعاني  ؟ بنعاني لكن ورحمة ابوك لارجع أقول تاني وهتيجي راكع رغم عن بوزك علي فرض يعني ان احنا هنعوزك وتبوس إيدين الوجع يهديك لأحزاني وحياة عيال الكلام التافهة تربيتك اللي انت فارد عليهم طرف جلابيتك اللي انت فاتح لهم بيتك وطبليتك لاتشوف من العبد الفقير مايسر بس الساعات دي تمر وساعتها وريني مين اللي هيغيتك ..... الحبس هذا انفرادي نتيجة الإهمال وانا باعترف ان قلبي كان ساعتها شمال ودفعت تمن القصايد ليل وشوق وخلال بحثي عن الحب جت لي رصاصة مجهولة صابت مشاعري الأليفة وقعت بسهولة التانية جت كملت علي طعنة الأولي ف العشق رغما سال كنت الملاذ باتسند علي حسك العالي لكن لقيتك عميل مخطرش علي بالي  آخد عليك ضمانات أنا سيبت في الأمانات كلمات لأي ظروف هات الحروف ياخسيس انا حلمي أبقالي ماشي يابن ال.... نقط بكره تقول محقوق  لما تشوف الشوق بيحن لوصالي