مجلة واحة الشعراء

 أنا قلتهالكو مفيش أمل والجرح لساه ما اندمل هاتولى حلم حلمت بيه حققتهولى أو إكتمل يادنيا أحلامك فشوش نفس السحن ما بيختشوش دلونى إمتى الحلم جى وادونى موعد محتمل يامفسرين الحلم  يابتوع الودع أحلام كتيره إتحطمت  جوه الجدع ليه حلمى بس  تملى دايما يترفض ولا انتو حلمى  ف عرفكم كفر وبدع ........... احمد عمر

  ،،،،،،،،(خلينا قاعدين)،،،،،،،،، خلينا نايمين  وننادي على حد يعين خدام الدين مش لاقيين بينادوا ياصلاح الدين ملايين نايمين  في سلام سالمين ولا واحد فيهم يتحرك ونقول له آمين بنقول ياسلام فين الاسلام لو مسلم بان الرب معين لكن تايهين ورؤس في الطين وخنوع مساكين عايشين أوهام وسلاح متشال على كتف عيال وف بعض مجال نلقى الضاربين وأسود في عرين قتلوا الملايين على بعض وبس كانوا الواضحين لكن ع الغير أرانب وكتير وف عز  الليل يطلعوا صراصير يشجبوا بكلام ويقولوا ياحرام وكلام طراطير بعد التفكير ياعرب ساكتين من عهد سنين على فين رايحين يارئيس ياأمير القدس وراح سلامات ياكفاح وعدوا ارتاح نايمين في حرير سلاطين وملوك مين المملوك على حق الله يمكن ويغير يارسول الله تعبان م الآه ولاعندي الجاه اللي أتمناه واللي اجاهد بيه الملاعين المسجد راح أخدوه بسفاح وإحنا الملاح مااحناش لاقين وف يوم هنموت كلنا في تابوت  وحساب ف سكوت وف يوم الدين في سؤال وجواب ولسان غلاب مكسور الباب ضراب ومتين خلينا قاعدين في رحاب حطين ننده ونقول ياصلاح الدين ،،،،،،،،،،،،،(شعر)،،،،،،،،،،،،،،، عبد الله السايح

  ﺩﻡ ﺍﻟﻘﺮﺍﻳﺐ ﺭﺍﻳﺐ .. ﻣﺎﺑﻘﺎﺵ ﺧﻼﺹ ﺑﻴﺤﻦ ﺗﻠﻴﻔﻮﻧﻚ ﺍﻟﻤﺸﺤﻮﻥ .. ﻧﻔﺴﻪ ﻳﺎﻋﻴﻨﻲ ﻳﺮﻥ ﻭ ﺍﻟﺒﻌﺪ ﻟﻤﺎ ﻳﻄﻮﻝ ﻭﺗﺤﺴﻪ ﻣﺶ ﻣﻌﻘﻮﻝ خلّاك ﻳﺎﻋﻴﻨﻲ ﺗﻘﻮﻝ .. ﻣﻌﻠﺶ ﺣُﻜﻢ ﺍﻟﺴﻦ ﺍﻟﺪﻡ ﺑﻘﻰ ﻣﻴا ﻭﻃﻠﻊ ﺍﻟﻤﺜﻞ ﻛﺪﺍﺏ ﻃﺐ ﻗﻮﻟﻲ ﻣﻴﻦ ﺯﺍﺭﻙ .. ﺧﺒّﻂ ﻋﻠﻴﻚ ﺍﻟﺒﺎﺏ !!؟ ﻣﻴﻦ ﺍﻟﻠﻲ ﺯﺍﺭ ﺣﻀﻨﻚ ؟ ﻣﻴﻦ ﺳﻠﻔﻚ ﻃﺒﻄﺒﻪ .. ﻏﻴﺮ ﺍﻟﻮﺟﻊ ﻭﺍﻟﺤﺰﻥ .. ﻭﻣﺤﺼﻞ ﺍﻟﻜﻬﺮﺑﺎ !!؟ ﻧﻬﺮ ﺍﻟﺒﺮﻭﺩ ﺧﺎﻟﺪ ﻭ ﺍﻟﻜﻞ ﻣﺘﺒﺎﻟﺪ ﻭﻻ ﻋﻢ ﺑﻘﻰ ﻭﻻ ﺧﺎﻝ .. ﻳﻨﻔﻊ ﻳﻜﻮﻥ ﻭﺍﻟﺪ !! ﻭﺍﻟﻘﻠﺐ ﻟﻮﻧﻪ ﻛﺌﻴﺐ ﺍﺳﻮﺩ ﺳﻮﺍﺩ ﺍﻟﻔﺤﻢ ﺍﻟﻀﻔﺮ ﺳﺎﺏ ﻣﻄﺮﺣﻪ .. ﻃﻠﻊ ﺧﻼﺹ ﻡ ﺍﻟﻠﺤﻢ !! ﺑﻜﺮﺍ ﺍﻟﺴﻨﻴﻦ ﺗﺠﺮﻱ .. ﻭﻧﺘﻘﻠﺐ ﺍﻣﻮﺍﺕ ﺑﻜﺮﺍ ﺍﻟﻠﻲ ﻓﺎﺕ ﻡ ﺍﻟﻌﻤﺮ .. ﻧﻘﻮﻝ ﻳﺎﺭﻳﺘﻪ ﻣﺎ ﻓﺎﺕ ﺑﻜﺮﺍ ﺍﻟﻠﻲ ﺟﺎﻱ ﺍﻛﻴﺪ ﻭﻗﺮﻳﺐ ﻣﺶ ﺑﻌﻴﺪ ﻃﻌﻢ ﺍﻟﺠﻔﺎ ﻫﺎﻳﺰﻳﺪ ﻭﻫﺎﻧﺘﺨﻨﻖ ﻡ ﺍﻟﺒﻌﺪ ﺑﻜﺮﺍ ﺍﻟﻠﻲ ﺑﻌﺪ ﺳﺎﻋﺎﺕ .. ﻫﺎﻳﻘﻮﻟﻮﺍ ﻑ ﺍﻟﺤﻜﺎﻳﺎﺕ .. ﺍﺗﻨﻴﻦ ﻳﺎﻋﻴﻨﻲ ﺍﺧﻮﺍﺕ .. ﺑﺒﺸﺒﻬﻮﺍ ﻋﻠﻰ بعض =========== بلا عنوان ...

 ............(على الطريق ).......... كنت ماشي على الطريق كنت زهقان عقلى قالي روح وزور واحد  صديق قلت أزور  الواد هلال يمكن ألقى فيه مجال أقدر أشكي من العيال يمكن أنسى كل ضيق روحت له وبعد السلام لسه ح ابدأ بالكلام  واشتكي له م الآ لام  قام سابقني بكلمتين  كنت زهقان من يومين  قلت له بس اليومين قال لي زهقان من سنين زي كل الزهقانين الشقيانين العرقانين اللي أحلامهم تموت  واللي احزانهم تابوت واللي كل شغلهم بيوفرلهم بس قوت قوت يدوب اليوم بيومه وبكره مش قادرين نطوله أو ننوله او يجينا او نجيله شكلنا بكره ح ناكل  زي المواشى يدوب نجيله قلت له اهدا وصلي م الكلام سيب منه خلي اصل اعصابك تجلي قال لي مش يبقي انت خلي اسمعني وبلاش تخلي قلت سيبنى جيت اسلي واشتكى لك جاى تقولى رحت ماشي وقلت اولي والتقتنى على الطريق  كل صدرى مليان بضيق قلت تانى اشوف صديق اشتكيله م الفساد قلت يبقى الواد عماد رحت له كان على الوساد وكل بيته فيه حداد قلت اسال ايه اللي فيه  لو عيان يبقى نداويه قلت قولي:قالى ايه قولت له اعمل طابور  الهموم سابت القصور وجيت لنا قال ايه نحلي...

  ........(كنت بحلم )............ بعد شغلي روحت بيتي نمت ماكملت قوتي شوفت مارد ... قلت مين قالي أخوك يبقى الحانوتي قلت مين جابك فى بيتي قالى ميت .. قولت مين ؟ قالى إنت .......... م الغسيل هاخد يوميتي بعد فتره أشوف سواد والصراخ هز العباد اللي قال آه ياسبع واللي قال شر العباد واللي قام جاب الكراسي والفراشة ع النواصي واللي واقف واللي قاعد  واللي ماشي واللي راسي جهزوني وكفنوني فى نعش أخضر ستفوني صلوا بيه صلاة جنازه الناس كتير كان يوم أجازه ع الكتاف شيلني أربع كان فى ذكر الله بنسمع م الوداع كان ناس بتدمع لما روحنا ع المقابر كان كل الجمع صابر إلا صابر أصله عابر كله ماشي إلا هوه كله راجع هوه جوه دخلوني ونيموني وكلهم بيكلموني قالوا إثبت قلت ثابت رجعوا تاني وسيبوني بعدها نور من بعيد والنظر بقى من حديد شوفتهم إتنين ملك الوجوه بيض فى الفلك هللوا صدري إنشرح بعد ماكان إتهلك قعدوني فى الإمتحان والسؤال محتاج بيان قالوا ربك قلت واحد للإله كل الكيان قالوا دينك قلت مسلم والسلام يعني الإيمان مين رسولك ؟ قلت طـــــــــــــه صلوا بينا عليه كمان هوه أحمد أو محمد والقرأن خير البيان قالوا صابر وانت ص...

  شاعر يا ناس أنا مش نبي كل الحكاية بابيع كلام  وباكون وديع زى الحمام...... باغزل قصايدي للسلام بالحب هايم مؤتلف..............وكتير تشوفني مختلف عند المناهدة والصداع ........... ماكر أزوغ كالتعلبي شاعر يا ناس أنا مش نبي صاحب مزاج وبألف حالة فالح يا دوبك ف القوالة.......شكلى غني لكنني...عالة والسهد صاحبي والأرق .......فارس شجاعته ع الورق  أصرخ أطير من فَرْشتي ....لو شوفت خنفس ليل دَبِي الشعر مايأكلش عيش والبدلة دى تحتيها خيش .. ولا قلت غايب حظي ليش بيَّاع ف دكان الهوى ......... الشِعر داء......... .ولَْا دوا حيلتي ديوان بقرش صاغ....ويادوب حصيرتي ومْرْتبى شاعر يا ناس أنا مش نبي ... فوق بساط الشوك بسافر... وف برزخ الأحلام بعافر جوا بطني المعنى حافر  محقون بمورفين السكات.....وقت الجنازة يقول نكات من تحت ستاير أفراحي......دمعى الحزين انا مختبي العمر قضَّاه ف ارتحال شادد بفلسفته الرحال ....... والكمال ف الكون محال شاعر وراكب مهرته............... كغزال بتجرى شهرته واكتشَف إنُّه ف سراب...........والحرف مطاط لولبي شاعر وعمره ما كان بإيده لو ساب ديوانه راح بعيده...........ربة ...