@ كتبت هذه الابيات فى شهر ابريل 2000 انتقد فيها احوال
المستشفيات الحكوميه فى مصر فى ذلك الوقت.
من كفر أبو غراب جاى عمنا عوضين .
جارر فى إيده خمسه وعلى كتفه شايل اتنين .
ورا منه ام العيال بطنها لقدام شبـــــرين .
دخل ع الستوصف الميرى يقول طبيب الولاده فين .
قالوله اقطع تذكره وتعالى يوم الاتنيـــــــن .
صرخ عوضين وقال ام العيال حتموت وماقادر اعمل شئ.
سبع عيال جابتهم وما قالت فى مره آى .
أيه اللى جرى ياخلق دى النوبه حلبتى من دون الخلق مربوبه.
العيال عرايا وداخلين على طوبه وامهم الهم خلاها كركوبه.
ميل عليه تمرجى ابن حلال وقاله ياعوضين خليك طويل البال
مفيش دكاتره بتيجى فى المستوصف الميرى
روح العياده الكشف هناك فى الحال.
سحب العيال عوضين وامهم دغرى على عيادة الدكتــــور.
دفع الفيزيتا وقالوله الكشف بعد ست شهور.
صرخ عوضين بعلو صوته ياناس اللى بتعملوه دا حــــرام.
خرج الدكتور من اوضته وقاله ياراجل هنا فيه نظـــام.
قال عوضين المره بتولد ينوبك ثواب الحقها يا دكتور.
وادفع لك اللى انت عايزه ولو كان جحا والتـــــــــــور.
قال الطبيب الهانم يلزمها عمليه
وتدفع الف جنيه قبل مانزل العيل.
قال عوضين خلاص يادكتور
هات الزكيبه وتعالى فى المدخول كيل.
أنا طلبت من ربى جنيه عطانى بدل الجنيه عيـــــــل.
@ مع تحياتى : عـنـتـر العــــــايق
شرح بعض الكلمات:
الزكيبه : شوال مصنوع من صوف الغنم.
المدخول : تطلق على وقت حصاد المحصول ودخوله المنازل.
تعليقات
إرسال تعليق