@ قصيدة : حكاية رجل مخلوع
كتبت هذه الابيات بمناسبة صدور قانون الخلع عام 2001 تقريباً
وكان هذا القانون مثار تندر وسخرية الكثيرين منه وقتها.
قبل ما نقول القصيده عايزين منكم إجابه مفيده .
لسؤال مطروح على الشارع وف ذهنى عمال يتصارع .
هل من حق المخلوع يترد فى خلال أسبــــوع .
ولو إتخلع تلات مرات يعمل ايـــه ياحضــرات .
تعالى نحكى ونتصارح لحدوته حصلت لى إمبارح .
روحت البيت مجهد تعبان لقيت الهانم صدرت فرمان .
مفيش لحمه ولا كوارع وانا من الجوع ميت واقــع .
قلت لها ياهانم عايز اتغدى قالت مفيش زيت ولا زبــده .
أنا مالى ومال الزيت انا سايب مصروف البيت .
قالت ضاع ياخويا ع الكوفير جذمه لحماده وباروكه لسهير.
قلت لها خدى اللى معايا من فلوس
وروحى هاتى عيش وغمـــوس.
قالت سيبنى انا مش فاضيه راح ارغى شويه مع شــــاديه.
زاد الكلام بينا وقل وعلى دماغى انا وقع التــــــــل.
قالت اما صحيح راجل مفجوع
روح يابعيد وانت مخلــــــــــوع.
ضربت ب ايدى على صدرى
وقلت هو دا أخرة صبــــــــرى.
جات ومعاها الشيخ صالح الخلع خير قوم نتصالـــــــــح.
وبكلمتين ياخويا بلفتنى ولعصمتها تانى ردتنــــــــى.
حسبتهم لقيتهم تلت خلعات شورو عليا انتو يا ستـــــات.
قالت ام راشيل هاتى مخلل
وقالت ام حسين دا أسمه محـــلل.
وانا المحلل اجيبو منين دا فى الشرع ملوش رجلين.
ورحت ابكى بالدموع هى الخليعه وانا المخلـــــوع.
مع تحيات : عـنـتـر العـــــــايق.
تعليقات
إرسال تعليق