وجه الفرح موجوع
=============
كان نفسي أغني
غنوه فرايحي للربيع
و ابعد شويتين عن
الهم والغم الفظيع
بس الزمن غدار
واقفلي بالمنشار
و يقول لي اقطعك تقطيع
*******************
سألت أهل الذكر
نصحوني بشيطان الشعر
يمكن يكون نكدي ؟!
شوفلك شيطان غيره
شرط يكون فرفوش
تاكل من تعبه وخيره
ويعدي بيك للفاشوش
********************
سمعت النصيحه
ودوغري طلبت
شيطان طيب ابن حلال
رد عليا لما سألت
مفيش شيطان نكدي ياخال
هو الزمن غدار
غنيله كام موال
و لما ينام الزمن غني
بس خلي بالك
اوعي الزمن يصحي
لأنه زمن مكاااااار
====================
وجه الفرح موجوع !!
بقلم / #عنترالعايق
تعليقات
إرسال تعليق