عندي ع الخط سياره بقلم عنتر العايق
عندي ع الخط سياره !!
=============
انا عندي ع الخط سياره
تشوفها تقول دي طياره.
تمشي ف الشارع بمزاجها
وتقف ف الحته اللي تعجبها.
يزقوها ستاشر وسواقها
ولا يقدروا حتي يحركوها
وهي تحلف براس ابوها
ماهي ماشيه غير لما
يزفوها يهشتكوها ويدلعوها .
معرفش بتجيب منين بنزين
كل ما اروح المحطه امون
الاقي التنك بتاعها مليان.
قلت يمكن بتستلف من الجيران
وتفضحني ف الحته
وامشي مكسوف خزيان.
سألت عربيات الشارع
قالوا احنا مبنسلفهاش .
عربيتحك عامله زعيمة مافيا
وبتاخد مهننا البنزين بالعافيه.
قلت. بس هو ده
اللي جايبلها الكافيه !!
========================
عندي ع الخط سياره.
بقلم / عنتر العايق.
تعليقات
إرسال تعليق