مسخت ع الأخر للشاعر سيد صادق

 مسخت ع الأخر 

===========

احنا فالحين ف الهيافة ..

احنا اصلا ف الكنافه ......

احنا عملة قديمة جدا  ....

خرجت من سوق الصرافه

احنا حللنا ف حرامنا......

احنا قللنا احترامنا .....

احنا اصلا من كلامنا .......

محتاجين حبة نضافه 

احنا عايشين ف البلاله 

كل يوم بنكون بحاله 

ف القصور عايشه الزباله ....

و الفوارس ف القرافه !!!!!

احنا اصلا ف الطراوه 

و كل يوم بنزيد قساوه 

 احنا من كتر الغباوه ..........

 اكلنا شطه  بالجوافه !!!!!! 

احنا اصلا حسادين ...

فينا الف عين و عين ...

اللي عليوا  الشمامين ....

و اللي واخدينها ظرافه 

احنا ايه...... احنا مين  ..

خسرنا دنيا ...  خسرنا دين 

عاملين ملايكه بجناحين ...

واحنا اسخف م السخافه 

================

سيد صادق