تحريم سلام بقلم عنتر العايق
تحريم سلاااااام !!
============
تحريم سلااااام !!
ل اللي عايش ع الكلام
و القواله و العواده
وفاكر نفسه واد تمام
قاعد علي. المصطبه
يقولك شوفت اللي صار
و شوفت اللي جري
شوفت اللي باع واللي اشتري
شوفت الواد ابن الهبله فوزيه
اتجوز النهارده اجمل حوريه
والله خساره في جتته
الله يولع. في . فروته
شوفت الاسطي سيد الحلاق
حلق النهارده لخمسين راس
و جاله بالكوم ارزاق
و عمنا المأذون جاله
النهارده عشر جوازات
و ستاشر حالة طلاق
يا عمنا خليك في حالك
وسيب الخلق للخلاق
هو أنت بترزقهم ؟!
ولا بتعاتب الرزاق ؟!
===============
تحريم سلاااااام
بقلم / #عنترالعايق
تعليقات
إرسال تعليق