قلبي تعالي بقلم الشاعر شريف عبدالمنعم
قلبي تعالى
==============
أرحم عينيا واكدب عليا
واوعي تقولي الحب ضاع
خليك حنين وأوعى تبين
الغدر ليا وقت الوداع
اضحك في وشي ولما أمشي
اقول للعوازل ايه الحقيقة
إنك بتغدر إنك بتهجر
وانك بتلعب لعبه بريئة
اكدب ثواني اكدب عشاني
وهدي قلبي واقيد شموعه
ساكن معايا ومش معايا
وبايدك انت فرحه ودموعه
معاك مسافر قلبي اللي فاكر
ساكن معايا وبين ضلوعي
مكتوب عليا تبكي عينيا
واشوف رحيلكوا مابين دموعي
أوعي تغيبي ويا حبيبي
ياشمس حبي وفرحة سنيني
قلبي هاتوه من غيره أتوه
ده هو فرحي وحبي وحنيني
قلبي تعالى بعدك محالة
واسكن ضلوعي واشرب حنين
واشرب في دمي واحمد وسمي
وادعي بفرحي وانا اقول امين
الحب فينا مرسى وسفينة
يهدي الحيارى بر الأمان
واللي يجرب الشوق ويشرب
مايقول كفاية ويقول كمان
هنحب تاني ونعيش أماني
حلوة تفرح قلب الحزين
ونداوي روحنا من نار جراحنا
والفرح يرجع طول السنين
===================
بقلم الشاعر / شريف عبدالمنعم
تعليقات
إرسال تعليق