قصيدة بلا عنوان
=========== للشاعر / نتعي رستم
قوم يا وليدى
قل امايتك
اتقمرلنا بتاوتين (عيش صعيدى)
لأجل ما اقعد
انا واتقوت ( أكل)
ده انا على ريقى
بقالى يومين
وقول لحميده
اختك ف ربايتك
تعمل م الشاى
كوبيتين
لأجل ما اظبط
بيهم ادماغى
واروح دوار
عمك حسنين
عاملين قاعده
كبيره يا ولدى
لأجل ما نعرف
مصر بلدنا
مالها معانده
ورايحه لوين
دا احنا زمان
فى أكتوبر قامو
مينا وحنا
وحمزه وجارحى
عدو الخط (خط بارليف)
وبطوه بط
شالو الهم
وخلطو الدم
لأجل ما مصر
تكون لها هيبة
احنا زمان
لما كنا بنسمع
عمى فلان
تعبان متضايق
نجرى نروح له
وكنا حبايب
أصل زمان
كان فيه حب
اليوم بدنا
نزرع بزره
تقوم وتطلع
كده من تانى
تطرح حب
وخير وموده
للمسلم ويا النصرانى
........ نتعى رستم .....
تعليقات
إرسال تعليق