حيرة القلوب بقلم عنتر العايق
يا قلبي يا محتار .. !!
===============
آه يا قلبي يا محتار
بين القطعه و اللطعه
علي البيبان
وبين الجري بالمشوار
زي ميت الأنهار
تفضل تجري وتجري
و اخرتها تصب في ترعه
فيها جاموسه بترعي
وتبقي ميتك وحله
و طين يا حمار
ولا تجري وتجري بالمشوار
وتصب في البحر الكبير
وتبقي ميتك مالحه
و الملح بالقنطار
آه يا قلبي يا محتار
بين الليالي الحمرا
وبين الليالي السودا
إللي مطلعلهاش نهار
كل القلوب ارتاحت
وانت حيرتك يا قلبي
تتوزن بالقنطار
آه يا قلبي يا حيران
ما بين جنه وبين نار
جنة نعيم القرب
و لوعة الهجران
آه يا قلبي يا محتار
أطاوعك وامشي
وراك و انهار ؟!
ولا اقطعك حته
حته بالمنشار ؟!
===============
يا قلبي يا محتار .. !!
#عنتر_العايق
تعليقات
إرسال تعليق