يااه ع الأحلام للشاعرة صفاء محمد يوسف أم الشعراء
يااه ع الاحلام
============
انا كنت حزين
عايش مسكين
قلبى أصبح من الحزن ثقوب
وكأنه غربال كله عيوب
ينزف أوجاع
ووجعنا بقى جوانا طباع
أضمد واخيط وجعى
والوجع انواع
اوجاع مشتركه جو الروح
والروح بتحاول وتعافر
وتعدى توصل للشريان
ترجع روحى تدور من تاتى فى الاحلام
وتصحى النبض وترمى على الاحزان جمرات
علشان ترحل
وتقول يا قلب كفايه اهات
خلينا نعالج الأيام
ونخطى خطوه للاحلام بجناح عصفور
بيطير فى النور
ونعمل منها مليون سد
يااه على الايام لما بنحلم بالفرح ليالى
وافكر فى البسمه التايهه وانادى تعالى
تتحقق ويا الروح سلامات
ونعيش حكايات
ونشيل من جو الروح اوجاع
نعلنها ثبات
يااه ع الأيام لما تزهزه على شكل الورد
ونعيش ألوانها بلون الطيف يسكنها الود
وتزقزق نبضاتى التاهيه مع العصافير
واتمسك فى المشهد فجأه وكانى بطير
تحدفنا مره فى العالى
ومره فى اعاصير
يتجدد دمى فى الشريان يوصل للقلب
يصيبنا برعشه وأنا ك زلازل بيثور
وتزيد أحلامنا وخطنا والدنيا تنور
قلبى يتشابك مع عقلى وألف وادور
وانا خايفه افوق من وسط الحلم
ولا مره ادوق
افراح يا زمان
يااه على الأحلام
لو تسكني واعيش فرحان
تتنطط جوا فى وريدى لحظات ياما
أو طول العمر
أو حتى ايام
==============
صفاء محمد
تعليقات
إرسال تعليق