أبو حا حا ...
.=========
يارئيس الكنترول .
ياحفيد بيت الاصول .
الشهامه . والايامه .
والسماحه والقبول .
.
ابننا فى العربى خاب .
والعلوم ذى الحساب .
والمواد التانيه ساب . .
الورق من غير حلول . .
.
يعنى راسب م النهايه .
واحنا عارفين الحكايه .
طب سياتك مش معايه ..
انه جيل من غير عقول . ...
.
اصله جيل البظرميطه ..
اللى مخه تقولش حيطه .
بس موجود ع الخريطه..
للاسف يابن الاصول
واحنا طالبين السماحه .
لابنكم وولدنا ( حا حا ) .
دامه قالبه البيت مناحه . .
والدموع ذى السيول ...
.
وانتوا اهل الخير ياساده . .
فالرجا منك افاده ..
تكتبوله ف الشهاده ..
انه ناجح ذى دول . .
.
برده خلوا ايديكوا فرطه ..
متسيبوش الواد ف ورطه . .
وكله ناجح ( بالاونطه )..
والهجايص والطبول . ..
================
عاشور الشوا ..
تعليقات
إرسال تعليق