حتي الحظوظ فيها الفقري بقلم / عنتر العايق
حتي الحظوظ فيها الفقري !!
==================
كنت فين يا حظ
لما تاه مني الطريق
و نزلت بحر الحياه
والبحر موجه غريق
كل المراكب سارت
ومركبي واقفه في الطريق
كتروا عليا الاعادي
وصعب تلاقي صديق
يرعي حرمة صديقه
ويقف معاه في الضيق
انت ليه يا حظ
دايما تعاندني ؟!
بدل ما تقف
معاي تقف ضدي
وتحارب مع اللي يحاربني
هو انت حظي. أنا
ولا أنت إللي ناحسني ؟!
الفقري فقري
حتي في الحظوظ فقري
الناس ماشيه لقدام
وأنا لورا ب اجري
وصلت عصر الإمام
وما صليت حتي فجري
أشوف بكره في المنام
الاقي فرعون نايم في قبري
==================
حتي الحظوظ فيها الفقري
بقلم/ #عنترالعايق
تعليقات
إرسال تعليق