العار .. بقلم الشاعر طارق السيد ( مجلة واحة الشعراء )

العار

أناهحكي حكاية لكن شربات

واهي تبقى حكاية من الحكايات

أبطالها أظن تلات تخوات

شكري ونور ورئيس نيابات

وأبوهم كان أصلا عطار

ملو هدومه لكن مكار

قال راح أجيب الديب من ديله

ساب الديب والعار جه فى ديله

التعلب لف سبع لفات

فى اللفة السابعة فى حادثة آهو مات

وبعد مامات أنياب لخوات

ظهرت من بحر الظلمات

كام الورث .. ؟ الورث حشيش

ياإما توافقوا ياإما مفيش

واققوا ياعيني عشان يهربوا 

من عض الفقر وقرص النحل

واللي يحب فى يوم يتكحل

لازم إيده تجيب الكحل

طلعوا فى رحلة صيد ملعونة

بمركب عار فى بحار الوحل 

وبعد ماعصروا عليها لمونه

وصلت شط فى  بحر الوحل

وكلام سم  كإنه نصايح

شفت يافالح حد فى مالح 

حط صفايح

ولا الدفس دا للدفاس 

والتخزين شغل أبو دأشوم

يادي العار ياعيب الشوم 

رئيس نيابات بمسدسه مات

ونور فى الميه بينده عادل

يدور على سبوبته معاه

وعادل إتجنن غنى غناه

الملاحة والملاحة وحبيبتي ملو الطراحة

=========================