اغنية مقدرش أنساك.. حسين السيد ومحمد عبدالوهاب ونجاة
عبقرية الكلمات =حسين السيد
عبقرية اللحن = محمد عبدالوهاب
عبقرية الصوت = نجاة الصغيرة
النتيجة = 30 علي 10
=======================
ساعة ما بشوفك جنبي ما اقدرش أداري وأخبي
أبكي من فرحة قلبي
وانسى العذاب
يانور عيوني زادت شجوني دبل جفوني
كتر الغياب
طيفك دا تملي شاغلني ما أطرح ما أروح يقابلني
أجي أضمه يخايلني أتاريه أوهام
صعبان علي كتر الأسية ارحم شوية
وبلاش خصام
صبرت الشوق على بعدك كان أملي تحفظ عهدك
أتاريك حنيت لعوايدك وشغلت البال
ليل نهاري من كتر ناري أصبر وأداري
وأطوي الآمال
خلتني نسيت أحبابي ووهبتك زهر شبابي
وقطفته ليه تخلى بي
كل دا يرضيك كل دا يرضيك
تهجرني برضه أحبك
تلاوعني برضه أحبك
تنساني برضه أحبك
ما اقدرش أنساك
ساعة ما بشوفك جنبي ما اقدرش أداري وأخبي
أبكي من فرحة قلبي
وانسى العذاب
يانور عيوني زادت شجوني دبل جفوني
كتر الغياب
تعليقات
إرسال تعليق