حلالنجي.. بقلم ناهد الموجي من مجلة واحة الشعراء

 

حلا لنجي

            !!!!!!!!!

حلالنجي بيدخل ف الحارة

ويقول مواويل

وفاكرني عشان  بت  أمارة

راح انخ واميل

لو شاطر روح هاتلي  أمارة

من غير تطبيل

توصفلي  غرامك  بحرارة

وغنا وتهليل

انا واعية يا جنتل وشطارة

فاهمة التضليل

كداب والنعمة مالكش امان

من غير تعليل

بترش غرام مدهون بحنان

وتقولي ذليل

بغرامِك وانتِ حكاوي زمان

قهوة وبالهيل

بسبوسة يا بت بقشطة كمان

ملبن وجميل

طرقعة  السنة  بفص  لبان

خلتني عليل

ادخل مستشفى  يا حيلة امك

ركب محاليل

المْحن  اتلخبط   مع  دمك

بقى مِيكس رزيل

رسمالك  فقرك  مع  همك

والنحس خليل

وضميرك  خبيِته  ف كمك

والصدق  قليل

وجزاءك  قهرك مع   غمك

و تعبي  تشيل

بقلمي 

ناهد الموجي

شاعرة مصرية