روح إنساني بقلم الشاعر ياسر يونس من مجلة واحة الشعراء
روح إنساني بس هترجع تندم
تاني
مش هتلاقي حنان في الدنيا
زي حناني
ولا هتلاقي كلام يحلالك غير
ف لساني
مش هتلاقي روح
تأويك . ولا دقات قلب تحييك
ولا هتلاقي منام يهنالك .. غير
في أحضاني
✍ ✍
كنت النسمة
كنت البسمة . كنت ف قلبي
أرق معاني
كنت الهمسه
كنت اللمسه . كنت روحي
وكل كياني
كنت الوعد
كنت العهد . كنت النبض اللي
اللي ف شرياني
كنت الضل
في حر وشرد . وشفايفك كانت
سكراني
كنت الدفا
في ليالي البرد . و حضنك كان
دايما عنواني
✍ ✍ ✍
كنت بتفرح
إني سعيد .. و لو يوم أحزن
كنت تعاني
لكن الوقتي
سايبني وحيد .. وعمال تتشفى
بحرماني
ولا سامع
كل ندايا عليك . . و أنا بترجاك
وبحايل فيك
و ياما غلبت أستجديك . وكأنك
من عالم تاني
✍ ✍ ✍ ✍
خلاص
مبقاش قلبي طيب . و مهما
تكون مني قريب . أبدا عمري
ما أسامحك تاني
روح لف الدنيا
وكل الكون . وحب وأعشق مين
ما يكون
هترجع تتمنى سلامي
ساعتها هقولك
روح إنساني 👋
✍ كلمات الشاعر / ياسر يونس
تعليقات
إرسال تعليق