مشاوير.. للشاعر سمير محمود من مجلة واحة الشعراء
#مشاوير
مشاوير ف الشر بنمشيها
ونبيع ف نفوسنا ونرشيها
من طعم الغل نعشيها
ولا لينا كبير
.....
بإيدينا بنخلق ف آلامنا
ونسينا كتابنا واسلامنا
وبقينا نقصر ف سلامنا
ضاع بينا الخير
.....
قافلين ع القلب مفيش رحمة
وفقيرنا اتفرج ع اللحمة
ومباديء تاهت ف الزحمة
وماعادش ضمير
......
بنفارق كل اللي حاببنا
وبنمسك ايد اللي سايبنا
ونريح كل اللي تاعبنا
ومفيش تقدير
......
باكيين ع الدنيا القلابة
ولا حد بيسأل ف غلابة
وكبيرنا بنقسى ونتغابى
ومن بعض نغير!
.......
فين خدنا العمر وفين ودا؟
مبقاش فيه حب ولا مودة
معظم اخلاقنا بقت خردة
وف عكس السير!
......
والشهم ياناس ساب الحارة
بقى كهل وماسك ف سيجارة
بيروح من قهوة لخمّارة
ومالوش تفسير!
.......
الكل اتبرأ م العفّة
وسفينة الحب بدون دفة
والدم بإيدنا بيتصفّى
وبدون تبرير!
......
من امه الابن بيتبرا
والبنت بتخرج تتعرى
والظالم يظلم ١٠٠ مرة
ولا هامه الغير
.......
ف التافه دايما بتعلوا
وان شوفتوا الصح بتتخلوا
ومساجد فيها مابتصلوا
ولا حتى ف دير!
........
ايامنا اتقلبت لعجايب
الطفل بيغلط ف الشايب
وفقيرنا بفقره بيتعايب
والظلم كتير
........
وشيطان بيشكك ف الدين
والكل ياباشا مشاهدين
ولا حد بيشجب ويدين
ويعنّف حتى الخنزير!
.......
وصديق بيقلل ف نجاحك
بيغير من كدك وكفاحك
وقريب بيعمّق ف جراحك
وده امر خطير!
.......
وخروج على كل المآلوف
والسعد ف ديل الحلوف
هنعيش ف الدنيا وهنشوف
ولا ينفع يومها التغيير!
#سميرمحمود
تعليقات
إرسال تعليق