تشرد للشاعر طاهر الشيخ من مجلة واحة الشعراء
طفل نايم جنب حيطه والندي نازل عليه
قولت اصحي يالي نايم
رد قلي واصحي ليه
لا انت عمي ولا انت خالي
قولي بتصحيني ليه
سبني نايم كنت بحلم
اني ساكن جو بيت
اصل بتنا بعد ابويا
اخده عمى اخو ابويا
وسبني مرمي جنب حيط
حتي خالي شفني مرمي
ما حن قلبه راح و سبني
مفتكرشي عضم تربه
وان ليه حق عليه
بعد ابويا بعد امي
معدش ليا حد تاني
يعني عمي ولا خالي
دي مجرد حبه اسامي
بصحي اسعي الم أوتي
واتعب انام جنب الحيط
حيطه احن عليا منهم
طينه اطيب من قلبهم
سبني نايم ليه صحيت
نومي اصله راحه ليه
من بشر متلونين
لو مشيت ادام شويه
هتلقي بردو جنب حيط
طفل تاني ف نفس سني
مش لاقي لنفسه بيت
لو لقيته سيبه نايم
نومنا راحه من وجعنا
نسد جعنا جو حلم
روح وسبني النوم غلبني
جو حلمي بيجوا اهلي
بيجي ابويا وتيجي امي
يجو جنبي وانا نايم
ولما بصحي بيسبوني
امشي واسرح امد ايدي
حاجه لله يابيه
......اتمني تعجبكم
@@ طاهر الشيخ
تعليقات
إرسال تعليق